Pas Tepelenës Ish-kryeministri Sali Berisha po zhvillon një takim me demokratët në Përmet. Gjatë fjalës së tij ai tha se tashmë PD do të fokusohet në bashkimin e saj dhe ringritjen. Berisha u shpreh se ai vetë po kontribuon në këtë pikë dhe ky është qëllimi i vetëm që ka, nuk sheh interesat personale dhe nuk do lejojë që PS të shkrijë PD-në. Sakaq, ai tha se në PD do të bashkohet kushdo që lufton për ringritjen e saj, duke kërkuar që të ketë prurje të reja, të cilët duhet të mbajnë përgjegjësit e tyre.
“E gjithë përpjekja jonë sot është në PD e bashkuar e fortë dhe e hapur. Ndaj ftoj këtu të gjithë demokratët e Përmetit nga dhjetori 90-të deri sot të bashkojmë kontributet, idealet tona dhe të ngrihemi si opozita më e fuqishme e kohës. Të ngrihemi si PD në misionin e madh opozitar për të shpëtuar Shqipërinë nga regjim i bazuar në krimin, vjedhjen e qytetarëve varfërimin e tyre nga Shqipëria.
Nuk ka mision më të madh se sa ky mision i cili përmbushet para së gjithash duke u bashkua, duke bashkuar çdo kontribut. Ky mision përmbushet duke qëndruar të pamposhtur si opozitë e vërtetë, përmbushte PD-në drejt prurjeve të reja, dhe në këtë mënyrë ne do të mbjellim shpresën, e cila është jetike për shqiptarët sot, do mbjellim besimin tek qytetarët shqiptarë. Demokratë dhe demokrate i arrijmë qëllimet tona nëse njohim përgjegjësitë tona”, tha Berisha.
Discussion about this post