Studentëve të Universitetit të Tiranës u është dërguar një formular vaksinimi. Në të shkruhet që me urdhër të dekanëve, ky formular duhet të plotësohet sa më shpejt nëse studentët janë vaksinuar apo jo.
I dërguar me anë të një mesazhi në grupet e rrjeteve sociale midis studentëve, formulari i vaksinimit i përgatitur nga universitetet kërkon të dhënat e tyre, të cilat konfirmojnë që ata janë vaksinuar.
I ndërtuar në formën e një pyetësori, formulari përfshin të dhënat se në cilët degë janë të regjistruar studentët, nëse janë të vaksinuar apo jo dhe sa doza kanë kryer. Për ta vërtetuar kryerjen e vaksinës, ata duhet të ngarkojnë në pyetësor dhe certifikatën e vaksinimit.
Në formular thuhet se qëllimi i kryerjes së tij ka të bëjë në mënyrë direket me zhvillimin e mësimit normal të mësimdhënies apo vlerësimit të dijeve, i cili është një mision i institucioneve të arsimit të lartë.
Ndërkohë, nga ana tjetër studentët kanë shprehur mendimin kundër vaksinimit me detyrim një urdhër i vendosur nga Komiteti i Ekspertëve. Prej disa javësh ata dalin çdo të shtunë në protestë, por me sa duket qeveria nuk i merr aspak për bazë thirrjet e tyre dhe vazhdon planin e saj dhe në këto rrugë, që nuk janë aspak të lejueshme dhe rrisin presionin ndaj studentëve.
E.H/ gijotina.com/
