Tereza Ribeiro, përfaqësuesja më lartë e OSBE-së për Lirinë e Medias, ka reaguar e shqetësuar lidhur me presionet që SPAK ka ushtruar ndaj gazetarit të “Ora News” Elton Qyno, të cilit iu kërkua dorëzimi i burimeve të informacioneve të lajmeve që publikon.
Përmes faqes zyrtare në platformën sociale “X”, përfaqësuesja më e lartë në Europë e Lirisë së medias deklaron se konfidencialiteti i burimeve gazetareske është kyç për lirinë e medias dhe duhet të mbrohet rreptësisht nga ligji dhe çdo praktikë tjetër.
“Të tronditur që në Shqipëri gazetarit Elton Qyno iu bë presion për disa orë për të zbuluar burimet e tij pasi autoritetet i kontrolluan shtëpinë dhe zyrën, duke i sekuestruar pajisjet.
Konfidencialiteti i burimeve gazetareske është kyç për lirinë e medias dhe duhet të mbrohet rreptësisht nga ligji dhe çdo praktikë tjetër”, thekson zyrtarja e lartë e OSBE.
Dismayed that in #Albania journalist Elton Qyno was pressed for several hours to reveal his sources after authorities searched his home&office, seizing his equipment. Confidentiality of journalistic sources is key for #mediafreedom & should be strictly protected by law&practice.
— OSCE media freedom (@OSCE_RFoM) December 18, 2023
Discussion about this post