Pas përfundimit të ndeshjes me Milanin që pati polemika të shumta për një penallti që nuk iu akordua Lazios, klubi zikaltër zgjodhi heshtjen për shtyp; askush, as trajneri Maurizio Sarri nuk foli për median pas sfidës, një vendim ky që ishte në shenjë proteste, e konfirmuar nga rrjetet sociale me një postim për një episod që do të vazhdojë të diskutohet edhe në ditët në vazhdim.
Episodi-Kur kishin mbetur 30 sekonda nga fundi i ndeshjes, pas një krosimi nga krahu i majtë, Romagnoli tentoi me një gjuajtje fluturimthi me kthesë në qendër të zonës. Topi u përplas në krahun e Pavlovic, por mbrojtësi duket se kishte pësuar një faull më përpara. Arbitri Collu fillimisht akordoi goditje këndi, më pas e ktheu këtë vendim duke akorduar faull në favor të Milanit.
Pas ndeshjes në profilin e saj në rrjetet sociale, Lazio postoi episodin të shoqëruar me mesazhin: ‘Na vjen keq që nuk po shkojmë në sallën e shtypit, këtë mbrëmje imazhet flasin për ne’ duke konfirmuar kështu heshtjen e shtypit që pasoi vendimin e arbitrit për të mos dhënë një 11 metërsh në favor të saj, me arbitrin që pasi e pa momentin në VAR, shpjegoi se mbrojtësi i Milanit kishte pësuar faull nga Marusic.
gijotina.com/
Discussion about this post