Arda Guler u transferua nga Fenerbahce te gjigandët spanjollë të Real Madridit, ku ky i fundit do t’i paguajë gjigantit turk 20 milionë euro dhe 10 milionë euro në formë të bonuseve.
“Los blancos” tani e ka prezantuar Guler si lojtarin më të ri të klubit, ndërsa edhe ka zbuluar se cilin numër ia ka dhënë yllit turk. Të pranishëm në prezantimin e Arda Guler ishin edhe familja e talentit turk, të cilët ndoqën nga afër edhe konferencën.
E emocionuar nga arritja e jashtëzakonshme e Arda Gulerit, nëna e tij u përlot teksa futbollisti i fshiu lotët dhe e puth në faqe.
Arda Guler has already won the hearts of everyone.https://t.co/dJj7oiDxZ4
— Akın (@ProudFede) July 7, 2023
“Së pari, falënderoj familjen time, njerëzit që më kanë ndihmuar të arrij këtu dhe klubin”, deklaroi fillimisht lojtari turk. “Unë gjithashtu dua të jem një legjendë e Real Madridit. Faleminderit për gjithçka”, shtoi ai.
Guler, do të mbajë numrin 24 në fanellën e tij te Real Madridi. Kjo nënkupton se Jesus Vallejo, për të cilin e ardhmja mbetet ende e paqartë te Reali, do të ndryshojë sërish numër në fanellë te gjiganti spanjoll.
Në të kaluarën, Vallejo kishte mbajtur numrin 5 në fanellë, por atë e morri yllin anglez, Jude Bellingham. Pas Bellingham, Vallejo mori numrin 24 në fanellë, por tani ka ndryshuar sërish numrin, pasi që Arda është numri 24 i ri i klubit.
Discussion about this post