Presidenti i FSHF, Armand Duka iu ka uruar mirëseardhjen të gjithë tifozëve të Romës dhe Feyenoord-it në Tiranë, ndërsa iu uroj suksese skuadrave në fjalë në finale.
Mëngjesin e sotëm, Duka së bashku me ish-kapitenin e kombëtares Lorik Cana dhe kryebashkiakun Erion Veliaj prezantuan në “Sheshin Skënderbej” trofeun e Conference League, me finalen që do të luhet ditën e nesërme në “Air Albania” duke nisur që nga ora 21:00.
Në fjalën e tij, Duka tha se të gjithë bashkë ta shijojmë këtë aktivitet, ndërsa i ka uruar të dy ekipeve të dhurojnë sa më shumë spektakël në finalen që do të zhvillohet nesër në orën 21:00 në “Arenën Kombëtare”.
“Sot është një ditë e veçantë, ditë e bukur për ne, për mua për Erionin, për Lorikun që prezantojmë për herë të parë trofeun e parë të Conference League. Është një ditë e veçantë për Tiranën pasi e pret këtë trofe historik për herë të parë në Tiranë. Urojmë që ne me sjelljen tonë t’i bëjmë të huajt të vijnë përsëri në Tiranë. Sot është një ditë e bukur gjithashtu për futbollin shqiptar që pas një pune voluminoze arriti një objektiv madhor që të ketë një trofe të rëndësishë, një aktivitet të rëndësishëm. Uroj që të gjithë bashkë, holandezë, italianë, kombësi të tjera, shqiptarë që jemi mikpritës, ta shijojmë këtë aktivitet, ta shijojmë këtë finale dhe mos jetë i fundit për ne shqiptarët,”-deklaroi Presidenti i FSHF-së.
Discussion about this post