Prezantohet kënga ‘Rri’ e Ledri Vulës

Artisti i njohur, Ledri Vula, ka publikuar një tjetër këngë në YouTube nga albumi i ri “1 Goat për ty”.

Bëhet fjalë për projektin “Rri”, i cili renditet në vendin e 12-të, në listën e albumit.

Muzika dhe producimi është bërë nga producenti Rzon me video nga Supercut Studio.

Nën drejtimin e Besian Durmishit dhe Adea Kelmendit, kjo këngë tashmë ndodhet në kanalin zyrtar të 37 vjeçarit.

Ai gjatë ditës së sotme (e martë) solli dhe një tjetër këngë në YouTube të titulluar “Paparazzi”.

Në albumin e Ledrit përfshihen gjithsej 14 këngë si: “Një Goat për ty”, “Robot”, “2 Pasaporta” me MC Kreshën dhe Vig Poppën, “BoomBoom” me Mozzikun, “Gjendja”, “Paparazzi”, “Walk Away” me Butën, Singin dhe Lumi B, “Omel” me Lyrical Son, “Prek”, “Win Win” me Capital T, “Mrena” me Lumi B”, “Rri”, “Po du me nejt” dhe “Përshëndetje Hejter”.

Secila prej tyre janë pritur mirë nga publiku dhe kanë marrë komente mjaft pozitive.