Kryetari i grupit parlamentar të PS-së, Taulant Balla ka prezantuar në Kuvend një draft rezolutë për kujtimin dhe nderimin e viktimave të gjenocidit në Srebrenicë. Drafti pritet të miratohet në seancën parlamentare të 7 korrikut.
“Nxit fenomenin e pandëshkueshmërisë ndaj krimeve të luftës si dhe shkel mbi dinjitetin e më shumë se 8 mijë civilëve që u masakruan në Sreberenicë, të mbijetuarave dhe familjeve të tyre, por edhe ndaj rreth 10 mijë shqiptarëve të vrarë gjatë spastrimit etnik në Kosovë dhe 20 mijë grave të dhunuara nga regjimi serb i Slobodan Miloshevicit;”, thuhet në projektrezolutë.
Kuvendi dënon fuqimisht çdo prirje dhe veprim për të mohuar publikisht me qëllim ose jo, gjenocidin e kryer në Srebenicë, fshehjen e motiveve, lavdimin e autorëve, ideatorëve dhe mbështetësve të këtij gjenocidi.
Në projektrezolutë, Kuvendi kërkon që të nderojë viktimat e gjenocidit në Srebrenicë dhe, duke iu referuar vendimit të Parlamentit Evropian, të shpallë datën 11 korrik si Ditën e Përkujtimit të gjenocidit në Srebrenicë.
Discussion about this post