Prezantuesja e BBC-së Dame Deborah James ka ndërruar jetë në moshën 40-vjeçare pas betejës së saj pesëvjeçare me kancerin në zorrë.
Lajmin e bëri të ditur familja e saj në rrjetet sociale teksa shkruan: “Jemi thellësisht të pikëlluar të njoftojmë vdekjen e Dame Deborah James; gruaja, vajza, motra, mamaja më e mahnitshme. Debora ndërroi jetë e qetë sot, e rrethuar nga familja e saj.
Deborah, të cilën shumica e njohin si Bowelbabe, njihej për punën dhe angazhimin e saj ndaj fushatave bamirësie, mbledhjes së fondeve dhe përpjekjeve të saj të pafundme për të rritur ndërgjegjësimin për kancerin që preku shumë jetë.
Deborah ndau përvojën e saj me botën për të rritur ndërgjegjësimin, për të thyer barrierat, për të sfiduar tabutë dhe për të ndryshuar bisedën rreth kancerit.
Në javë e saj të fundit, prezantuesja e podcast-it të BBC-së ‘You, Me And The Big C’ mblodhi 6.75 milionë funte në përmirësimin e ndërgjegjësimit për sëmundjen.
Deborah u diagnostikua me kancer në zorrë në dhjetor 2016, të cil, të cilës iu tha që herët se mund të mos jetonte më shumë se pesë vjet – një moment historik që kaloi në vjeshtën e 2021.
Discussion about this post