Kryetarja e PD, dega Sarandë, Manjola Nikollo, ka bërë me dije se janë katër kandidatë në primaret e PD për Bashkinë Sarandë.
Përmes një njoftimi në rrjete sociale, ajo zbulon se në primare për Bashkinë Sarandë garojnë Ardit Cikuli, Armando Magllara, Ilir Nikolla dhe Spiro Vaso.
Ndërsa për Bashkinë Konispol janë dy kandidatë, Aleksandër Lokoshi dhe Fatmir Shero.
“Në cilësinë e kryetares së Partisë Demokratike Sarandë, doja të falenderoja të gjithë kandidatët që kanë besuar në procesin e primareve të PD si procesi më demokratike i një forcë politike. Të gjithë mbartin vlera të larta qytetare dhe profesionale, secili prej jush është sot një vlerë e shtuar e Partisë Demokratike! Inkurajoj të gjithë ju që jeni duke e menduar kandidimin, bëhuni pjesë e këtij procesi historik në Partinë Demokratike”, shkruan ajo.
Discussion about this post