Mike Pence, ish-zv.President i SHBA në administratën Trump, ka hyrë zyrtarisht në garën për president të vitit 2024 duke dorëzuar dokumentet të hënën në Komisionin Federal të Zgjedhjeve, duke krijuar një betejë me ish-presidentin Donald Trump dhe kandidatë të tjerë të republikanëve.
Pence do të nisë ofertën e tij për presidencën e vitit 2024 në një tubim në Des Moines, Iowa, më 7 qershor, ndërsa më pas ai do të shkojë në New Hampshire dhe shtete të tjera për t’u dhënë votuesve mesazhin e tij.
Ish-zëvendës presidenti i bashkohet një fushe në rritje të kandidatëve republikanë, duke përfshirë shefin e tij të vjetër, ish-presidentin Donald Trump , guvernatorin e Floridës Ron DeSantis, Nikki Haley, senatorin Tim Scott, ish-guvernatorin e Arkansas Asa Hutchinson dhe sipërmarrësin Vivek Ramaswamy.
Ish-guvernatori i Nju Xhersit, Chris Christie gjithashtu pritet t’i bashkohet garës të mërkurën.
Discussion about this post