Nis mbledhja e Këshillit Kombëtar të Partisë Demokratike. Në fokus të këtij takimi do të jenë emrat e kandidatëve për zgjedhjet lokale dhe mënyra e zhvillimit të primareve.
Ky diskutim vjen në vijim të mbledhjes së zhvilluar pak ditë më parë në selinë blu, por që në atë takim shumica e anëtarëve të Këshillit Kombëtar të PD vendosën që ta shtynin mbledhjen pasi anëtarët kërkuan të njiheshin me dokumentin që kishte ardhur për mënyrën se si do të zhvilloheshin primaret.
Sot pritet të marrë udhë mënyra se do përzgjidhen kandidatët në primare për zgjedhjet vendore. Mbetet për t’u parë nëse do merren parasysh kërkesat e aleatëve që për zgjedhjet lokale opozita të dalë me një kandidat të vetëm dhe kjo të dalë nga primaret ose sondazhet. Por ideja e sondazheve nuk është përmendur në PD, ndaj mbeten vetëm primaret. Nuk dihet nëse në këto primare do ketë emra nga aleatët.
Discussion about this post