Partia Demokratike zhvillon sot Primaret nga ku do të dalin kandidatët për bashki përballë socialistëve në zgjedhjet lokale të 14 majit. Anëtarësia dhe simpatizantët do të zgjedhin mes disa emrave, ndërsa kandidati me numrin më të madh të votave do të vendoset përballë kandidatëve të PS për 61 bashkitë.
Mësohet se, procesi i votimit fillon në orën 08:00 dhe përfundon në orë 18:00. Në Tiranë, gara është mes Belind Këlliçit, Ilir Alimehmetit, Gert Bogdanit, Adriana Kalaja, Julian Dedës, Enkelejda Fejzos dhe Fatmir Merkoçit. Në Elbasan dhe Shkodër, në Primaret e PD kandidojnë vetëm Luçiano Boçin dhe Bardh Spahia, ndërsa në Durrës, Armand Dervishi dhe Igli Cara.
Lexo edhe: Erë e fortë, shi dhe temperatura nën minus, moti për sot
Në bashkinë e Krujës, janë 11 kandidatë, ndëërsa në Bashkinë Kurbin, nga 7 kandidatë që ishin tashmë kanë mbetur vetëm 5 për shkak se Rithemelimi i përjashtoi 2 që ishin protagonistë në konflikt me armë zjarri pak ditë më parë.
Dy kandidatë të primareve për Bashkinë e Kurbinit Alfred Dajçi dhe Edmond Shkoza janë përjashtuar nga gara e 4 dhjetorit. Kandidatët duhet të marrin gjysmën e votave të anëtarëve, pasi sipas rregullores së miratuar nga PD nëse kandidati nuk merr mbi 50% të votave, dy më të votuarit shkojnë në rivotim. Primaret në PD nuk organizohen në Himarë, Finiq e Dropull.
Discussion about this post