Zyrtarizohen emrat e kandidatëve të vetëshpallur në primaret e Partisë Demokratike për Bashkinë e Tiranës. Kryetarja e Komisionit të Organizimit dhe Kontrollit të Operacioneve Elektorale (KOKOE), Albana Vokshi në një dalje për mediat nga selia blu, bëri të ditur për mediat emrat e kandidatëve.
Lista mban emrat e personave që deri më sot e kanë zyrtarizuar kandidimin, mirëpo surprizë ishte emri i aktorit të njohur Julian Deda. Ai është në mesin e 7 personave që do kandidojë në Primare.
Lexo edhe: Primaret në PD, zbulohet kandidati i parë për Fierin
Emrat e personave që janë vetëkandiduar:
1-Adriana Kalaja
2-Belind Kellici
3-Enkelejda Fejzo
4-Fatmir Merkoci
5-Gerti Bogdani
6-Ilir Alimehmeti
7-Jul Deda
Procesi i primareve në Partinë Demokratike do të përfundojë brenda datës 4 dhjetor, ditë kur do të mbahen votimet. Ditën e sotme Arjan Hoxha, kryetar i Partisë Demokratike në Kamëz shpalli kandidimin për Primaret e PD dhe Evdar Kodheli për Fierin.
Discussion about this post