Princi Harry dëshmon në Gjykatën e Lartë në Londër

Duka i Sussex është anëtari i parë i familjes mbretërore që dëshmoi në gjykatë që nga viti 1891 – “Si fëmijë isha subjekt i artikujve tepër ndërhyrës” dëshmoi ai

Duka i Sussex-it, Harry, kapërceu pragun e Gjykatës së Lartë në Londër mëngjesin e sotëm për të dhënë dëshmi në çështjen e ekzaminimit kundër grupit MGN që boton gazetën Daily Mirror, për përgjimin dhe monitorimin e telefonave të personazheve të famshëm.

Bashkëshorti i Meghan Markle, paditësi kryesor kundër grupit botues, thekson se të paktën 147 botime nga viti 1996 deri në 2010 që detajojnë jetën e tij personale bazoheshin në përgjime.

“Të gjitha këto shkrime ishin tepër ndërhyrëse”, ka deklaruar Princi Harry.

Gjykata që prej ditës së djeshme e ka përqendruar vëmendjen në 33 nga botimet e “Daily Mirror” dhe edicionin e saj të së dielës “Sunday Mirror”.

Një nga raportet ka të bëjë me një dëmtim që Harry pësoi duke luajtur regbi, në një ndeshje me vëllain e tij William, dhe shumë detaje të marrëdhënies së tij me ish-dashnoren e tij Chelsy Davy.