Pasi BBC i kërkoi falje familjes mbretërore për mënyrën se si gazetari i tyre Martin Bashir intervistoi Princeshën Diana, Princi Harry tha se në fakt praktikat joetike të medias ishin përfundimisht arsyeja e vdekjes së saj.
Princi Harry dhe Princi William u përgjigjën veçmas të Enjten në rezultatet e një hetimi të BBC-së që zbuloi se gazetari Martin Bashir përdori mjete mashtrimi dhe gënjeshtra për të arritur në intervistën e tij të vitit 1995 me Princeshën Diana.
Harry tha në një deklaratë se “kultura e shfrytëzimit dhe praktikat joetike të medias përfundimisht i morën jetën”.
“Nëna jonë ishte një grua e mrekullueshme që i kushtoi jetën e saj shërbimit njerëzve. Ajo ishte e guximshme dhe pa dyshim e sinqertë,” tha Harry në një deklaratë, duke shtuar, “Për ata që kanë marrë një formë të përgjegjësisë, faleminderit që e pranuat atë. Ky është hapi i parë drejt drejtësisë dhe së vërtetës “.
“Ajo që më shqetëson thellësisht, është se praktikat si kjo – dhe më keq – janë ende të përhapura sot,” tha Harry, duke theksuar, “nëna jonë humbi jetën për shkak të saj dhe asgjë nuk ka ndryshuar. Duke mbrojtur trashëgiminë tonë, ne mbrojmë të gjithë dhe ne mbështesim dinjitetin me të cilin ajo jetoi. Le të kujtojmë se kush ishte dhe për çfarë qëndroi. “
