Prindërit e Aleks Agos, 45-vjearit nga Devolli i akuzuar për ngacmim seksual shprehen se djali i tyre është i pafajshëm e se kurrsesi nuk mund të ketë kryer një vepër të tillë.
Sipas Tomor Agos, të atit të të akuzuarit djali i tij u vet dorëzua pas thirrjeve të policisë ndërsa ai shton se nuk avokati mbrojtës ka komunikuar me të akuzuarin, i cili nuk ka pranuar akuzën.
“E prenë në besë, nuk vërtetuan asgjë, as palën tjetër nuk e morën të sqaroheshin. Unë s’kam folur me djalin. Ai se ka bërë atë kurrë në botë. Ata duhet të kishin marrë djalin bashkë me mjekun ligjor e po ta kishte bërë atë gjë mos ta sillte më. Edhe pushkatim ti bënin”, tha babai i Agos.
Edhe nëna e 45-vjeçarit shprehet se nëse djali i saj ka ngacmuar seksualisht 15-vjeçarin duhet të dënohet, por sipas saj ai kurrë nuk do ta bënte keq të miturit.
Nga ana tjetër, nëna e Aleks Ago shprehet se, në rast të një vërtetësisë të kësaj akuze, djali i saj duhet të burgoset përjetë
“Të dënohet sa mos të mbajnë më. Tani ti bësh dhuratë një fëmije një çokollatë se të erdhi keq se është pa baba e të përfundosh brenda… nuk jemi njerëz të atillë. Unë i lutem shumë të mos ma marr më qafë atë fëmijë, se ka një djalë sakat”, tha nëna e 45-vjeçarit Aleks Ago.
Discussion about this post