Një ngjarje e pazakontë familjare është raportuar sot në komisariatin e Policisë Delvinë. Burime bëjnë me dije se një 15-vjeçare është larguar nga banesa e saj bashkë me nënën e saj e cila ishte divorcuar nga bashkëshorti. Në lidhje me këtë ngjarje, babai i saj ka paraqitur denoncim në polici.
Tashmë materialet hetimore i kanë kaluar Prokurorisë për veprime të mëtejshme.
“Specialistët e Hetimit të Krimit në Komisariatin e Policisë Delvinë, shpallën në kërkim një 15 vjeçare, banuese në Delvinë, pasi ka bërë kallëzim babai i saj, se i është larguar vajza së bashku me ish bashkëshorten e tij. Materialet i kaluan Prokurorisë, për veprime të mëtejshme”, njofton policia.
Nuk dihet ende, nëse ka qenë vendimi i vajzës apo nënës për tu larguar nga shtëpia, çka ka detyruar babain t’i denoncojë në polici. Motivet e kësaj ngjarjeje pritet të zbardhen pas marrjes në pyetje të shtetasit në fjalë.
Discussion about this post