Myftiu i Shkodrës, Muhamed Sytari, ka dalë kundër kërkesë së grupit LGBTQI, në lidhje me ndryshimet në Kodin e Familjes. Në një deklaratë publike ai shprehet se është e patolerueshme të quash nën “Prindi 1” dhe sipas tij persona që kthejnë nënën dhe babain në numë kanë probleme me veten. “E papranueshme! Bëhet për të prekur familjen dhe shkatërruar thelbin e familjes. A kthehet nana në numër, pash hatrin e Zotit ma thuaj. A kthehet baba në numë, pash hatrin e Zotit ma thoni. Ai që e pranon me e thirre nanë e babën në numër ai ka probleme të thella në identitetin dhe vetëdijen e tij”, u shpreh ai.
Sakaq, ai i bëri thirrje deputetëve, që në këtë pikë të bëhen palë dhe të mos lejojnë miratimin e këtyre ndryshimeve që cenojnë bazën familjare. “I bëj thirrje çdo politikani, apo deputeti të Parlamentit të Shqipëri, qofshin ata të opozitës apo të mazhorancës, duhet të dëshmojnë se nuk e prishin familjen. Duhet të kenë edukatën morale për të mos e pranuar këtë ndryshim dhe të tregojnë se janë njerëz me vlerë”, tha ai.
Sakaq kujtojmë se pak javë më parë në lidhje më këto ndryshime ka plasu një skandal në kryeqytet, ku në formularët e regjistrimit të fëmijëve në kopshte fjala nënë dhe baba ishte zëvendësuar me termin “Prindi 1 dhe Prindi 2”.
Discussion about this post