Prioritetet e parashikuara nga 2022-2024 për rritjen e sigurisë në vend janë pothuajse të papërfillshme krahasuar me ngjarjet e fundit kriminale të shënuara në vend. Në raportin e publikuar sot nga Ministria e Brendshme, njoftohet se do të reduktohet koha e reagimit të shërbimeve policore nga 17 minuta në vitin 2021 në 15 minuta në vitin 2022, prioritet që sipas ministrisë së Brendshme, do të rrisë sigurinë në vend.
Po ashtu një nga prioritetet e Ministrisë së Brendshme në raport, është ulja e numrit të aksidenteve në rrugë në masën 1% çdo vit, shifër e papërfillshme krahasuar me numrin e aksidenteve të shënuara në vend që është në nivel rritës, e për pasojë është rritur edhe numri i viktimave dhe të plagosurve.
Në raportin e Ministrisë së Brendshme, është parashikuar reduktimi i kohës së procedimit nga 22 minuta në vitin 2021 në 15 minuta në vitin 2024, për shkeljet e paligjshme.
Do të reduktohet koha e reagimit ndaj krimeve të dhunës në familje 16 minuta në vitin 2021në 14 minuta në vitin 2024. Ndërkohë që rastet e dhunës në vend janë në nivel rritës aktualisht.
Një nga prioritetet qesharake të nënvizuara në raportin e Ministrisë së Brendshme është edhe rritja e hetimeve proaktive në fushën kundër korrupsionit dhe pastrimit të parave ndaj totalit të hetimeve me 3 % më shumë krahasuar me vitin 2021, ndërkohë që listës së të korruptuarve në vend i janë shtuar edhe zyrtarë me detyra të rëndësishme në vend, proceset gjyqësore të cilat janë zvarritur e lënë pas dore.
