Prisnin pyjet në mënyrë të paligjshme, arrestohen 2 persona në Tiranë

Policia e Shtetit në vendin e quajtur “Kodra e Vrapëve” ka arrestuar në flagrancë dy persona, të cilët po prisnin dru.

Bëhet fjalë për shtetasin D. Xh., 37 vjeç dhe K. Xh., 18 vjeç, të cilëve u vunë prangat për veprat penale “Prerja e paligjshme e pyjeve”, “Fshehja e të ardhurave” dhe “Ushtrimi i aktivitetit tregtar të paligjshëm ose të paregjistruar në organet tatimore”.

Nga veprimet hetimore të kryera ka rezultuar se në periudha të ndryshme kohore, në bashkëpunim me njëri-tjetrin, kanë ushtruar këtë veprimtari të paligjshme, duke prerë pemë dhe duke shitur lëndën drusore, kundrejt përfitimit monetar, pa deklaruar të ardhurat.

Në cilësinë e provës materiale janë sekuestruar lënda drusore e prerë në mënyrë të paligjshme dhe mjete që shërbenin për prerjen e lëndës drusore.

Materialet i kaluan Prokurorisë, për veprime të mëtejshme procedurale.