Kryeministri Edi Rama ka zgjedhur të mos bëjë asnjë premtim për qytetarët, pasi tashmë edhe ai e di se nuk mund të gënjejë pambarimisht.
Por këtë herë ai ka dalë me flamurin e Bashkimit Europian, duke propaganduar se hyrja në BE do të zgjidhë hallet përfundimisht të shqiptarëve.
Edhe gjatë takimit të sotëm me fermerët, Rama u shpreh se qeveria nuk është e pasur dhe nuk ka fonde, por nëse votoni atë, do të hyjmë në BE dhe pastaj paratë do të vijnë lumë. Se cfarë duhet të bëjnë fermerët deri në hyrjen e Shqipërisë në familjen europiane, këtë as Rama nuk e di, por deri atëherë të ngrohen në diell.
“Duhet të bëjmë patjetër kapërcimin për të hyrë në Bashkimin Europian sepse direkt na vijnë 300 mln euro në vit për bujqësinë, që është e paimagjinueshme.
Për këtë punën e BE. Ne duhet të mbarojmë negociatat deri në fund të 2027 me se s’bën. Kemi disa çështje që po i negociojmë për të marrë më shumë kohë.
Një nga gjërat çështja është si kalon prodhimi në tavolinë, tek qumështi, therjet, është pika kyçe.
Ne kemi bërë progres, por prap na duhet. Pse çfarë kujton ti? Pa veteriner, ku të shkosh? Kush të lë? Nuk është çështja për BE, por për shëndetin dhe sigurinë.
Këtu çështja nuk është për të mos i dhënë, por për ti shtuar. Ose jep një subvencion si një lëmoshë sociale dhe nuk jep asgjë, vetëm riciklon mbijetesë, ose jep subvencion që jep diçka dhe ai rritet. Kemi kohë që e kemi ndryshuar linjën. I gjetëm me riciklim mbijetese dhe hap pas hapi po kalojmë tek zhvillimi. Nuk jemi aq të pasur sa të bëjmë të dyja, duhet të bëjmë një zgjedhje”, u shpreh Rama.
Discussion about this post