Giorgio Chiellini do të fillojë së shpejti negociatat për një kontratë të re me Juventus dhe raportohet se ai dëshiron një kontratë 2-vjeçare.
Lideri i italianëve është aktualisht i lirë, pasi kontrata e tij mbaroi me 30 qershor dhe ai fitoi Euro 2020 pa një skuadër.
Supozohet se ai do të nënshkruajë një marrëveshje të re me Juventusin, por bisedimet do të fillojnë vetëm pasi të kthehet nga pushimet, të cilat po I kalon me shokun e ekipit Leonardo Bonuçi dhe familjet e tyre.
Chiellini fillimisht e kishte menduar të dilte në pension pas ‘Euro 2020’, por me paraqitjen e shkëlqyer në europian, ai tani po pret Kupën e Botës në nëntor dhe dhjetor 2022, kjo nënkupton që do të jetë aktiv me patjetër deri në atë periudhë.
Sipas ‘La Gazzetta dello Sport’ ai po kërkon një zgjatje dy-vjeçare të qëndrimit në Torino, pra deri në qershor të 2023-it.
Muajin e ardhshëm Chiellinimbush plot 37 vjeç, por forma e shkëlqyer është duke i dhënë goxha avantazh edhe për disa kohë si futbollist.
Rikujtojmë që paga e italianit me Juventus ka qenë plot 3.5 milionë euro për sezon, ndërsa nga Italia raportohet se tashmë ai do të kërkojë një shifër prej plot 5 milionë eurosh, të cilën Juve ka të ngjarë ta refuzojë, pasi ata po përpiqen të ulin faturën e përgjithshme të pagave./Gijotina.com
