Pritet me xham teksa punonte në banesë, i riu në gjendje të rëndë  – Emri

Një 27-vjeçar është dëmtuar me xham gjatë kryerjes së punimeve në banesën e tij.

Ngjarja ka ndodhur në Pogradec dhe mësohet se 27-vjeçari i identifikuar si Renato Sehiti ka marrë lëndime tek pjesa e kraharorit dhe pritet transferimi drejt Tiranës me helikopter.

“Mesditën e sotme, në lagjen nr. 1 Pogradec, shtetasi R.S. dyshohet se është dëmtuar aksidentalisht nga një xham i thyer, në banesën e tij. Aktualisht ndodhet në spital, për mjekim. Grupi hetimor po punon për zbardhjen e rrethanave të rastit”, njoftoi policia.