Autoriteti Portual Durrës informoi se mbrëmjen e sotme nuk do të ketë lundrime të trageteve nga Porti i Durrësit drejt Portit të Barit, Itali.
Sipas APD, ky njoftim vjen pas parashikimeve të autoriteteve detare për përkeqësim të kushteve të motit. Tragetet do të nisen drejt Barit mëngjesin e ditës së nesërme, 4 tetor.
Vendi ynë në orët e para të mesnatës do të vijojë të ndikohet nga kushte atmosferike të paqëndrueshme për shkak të kalimi të një fronti të ftohtë atmosferik.
Moti parashikohet me vranësira të dendura si dhe reshje shiu në të gjithë territorin me intensitet mesatar në formën e shtrëngatave.
Një nivel i ulët barometrik nga rajoni i Italisë pritet të pushtojë disa zona gjeografike të vendit tonë nga e premtja deri të hënën dhe me karakteristikat kryesore të reshjeve lokale intensive, stuhive të cilat pritet të shoqërohen me breshër, frekuencë të lartë rrufesh dhe përforcim të menjëhershëm të erërave.
Në zonat e mësipërme gjeografike mund të shihet një vëllim total uji që mund të arrijë ose edhe të kalojë 100 tonë për hektar.
Sakaq, Italia ka urdhëruar mbylljen e shkollave për ditën e nesërme, të njëjtën gjë ka bërë edhe Greqia fqinje.
gijotina.com/
Discussion about this post