AEK i Athinës është kampioni i Greqisë për sezonin 2022-2023.
Klubi kryeqytetas mundi me rezultatin 4-0 Volosin dhe shkon në kuotën e 83 pikëve, ndërsa Panathinaikos, që u ndal në barazimin 1-1 nga Aris, po shpresonte në humbjen e AEK, por diçka e tillë nuk ndodhi.
Për AEK-un ky është titulli i 13-të në histori, me tifozët që festuan në “OPAP Arena”. Kështu AEK-u rikthehet te titulli kampion pas pesë sezonesh.
Tashmë, të verdhët do të përqendrohen te fitimi i Kupës së Greqisë, me finalen e këtij turneu që do të luhet mes AEK dhe PAOK Selanik.
Discussion about this post