Një 69 vjeçar ka rënë në prangat e policisë në Ksamil pasi kishte marrë 4950 m2 tokë truall në formë të paligjshme.
Operacioni i policisë u zhvillua nën drejtimin e Prokurorisë së Sarandës dhe prona e përfituar me dokumente të falsifikuara nga shtetasi Skënder Omeri është sekuestruar.
Mësohet se ky person kishte aplikuar në ASHK Sarandë në datën 25.01.2022 për ta regjistruar sipas një akti kontrate të vitit 1995. Nga hetimi disa mujor nga Prokurori Kledian Llaho Omeri dyshohet se ka falsifikuar dokumentacionin për përfitimin e këtij trualli. Ky i fundit akuzohet për “falsifikim i dokumentave” në formën e përdorimit dhe me pasoja të rënda.
Discussion about this post