Privatizoi plazhin në shkelje të ligjit/ I sekuestrohen 20 shezlonge 53-vjeçarit ne Durrës

Një 53-vjeçar me iniciale Ll.M është vënë nën hetim ditën e sotme për zaptim prone dhe ushtrim biznesi në shkelje të ligjit. Bëhet me dije se atij i janë sekuestruar 20 shezlonge dhe çadra pasi kishte zënë hapësirën publike pa leje. Në kuadër të operacionit “Bregdeti i lirë” u lirua hapësira publike në vijën bregdetare, në lagjen nr. 13  të qytetit të Durrësit.

Prej disa ditësh policia ka nisur kontrollet në bregdetin shqiptarë  për të larguar ato biznese të cilat zaptojnë zonat e plazhit pa leje dhe shesin çadra dhe shezlonge me çmime marramendëse.