Kryeministrja e Serbisë, Ana Bërnabiç, uroi Listën Serbe për fitoren në zgjedhjet e djeshme lokale në Kosovë në 10 komunat me shumicë serbe.
“Populli serb në Kosovë edhe një herë ka treguar se çfarë do të thotë unitet, harmoni, besim dhe guxim. Pavarësisht nga të gjitha presionet dhe sulmet ndaj të cilave ata ekspozohen çdo ditë, ata kanë mbetur të qëndrueshëm në politikën e tyre të paqes”, tha ajo.
Bazuar në të dhënat e KQZ, 17 komuna në Kosovë tashmë e kanë një fitues, ndërsa 21 të tjera do të shkojnë në raundin e dytë të balotazhit.
Partia Demokratike e Kosovës ka marrë katër komuna; Mitrovicën, Ferizajn, Hanin e Elezit, Skenderajn. Aleanca për Ardhmërinë e Kosovës dy komuna Deçan dhe Suharekë. Lidhja Demokratike e Kosovës dy komuna Lipjan dhe Pejë. Fituesja e këtij raundi të zgjedhjeve është Lista Serbe, e cila fitoi nëntë komuna nga 10 sa garonte.
Surpriza e rezultatit të deritanishëm është lëvizja “Vetëvendosje” e kryeministrit Albin Kurti, e cila nuk ka marrë asnjë komunë në raundin e parë.
