Vijon të jetë problematike vatra e zjarrit në Malin e Thatë, i cili ka prekur edhe Parkun Kombvëtar të Galiçicës. Sipas informacioneve për Gijotina.com, një grup pune prej 10 vetash ka shkuar që në orët e para të mëngjesit drejt vatrës, ndërsa janë nisur edhe punonjës të zjarrfikëses, emergjencave civile, ndërmarrjes së punëve publike, vullnetarë dhe banorë të zonës.
Sipërfaqja e djegur është e madhe dhe zjarri po i afrohet pyjeve me dushk, ndërsa mësohet se zjarri është vënë me qëllim nga barinjtë e zonës së Malit të Thatë për kullota të reja.
Është kërkuar ndihmë edhe në komunën e Ohrit, por deri tani nuk ka asnjë konfirmim nëse kanë nisur forca njerëzore. Zjarri vijon prej 4 ditësh në këtë zonë ndërsa në 24 orët e fundit për shkak të erës ka marrë përhapje të madhe.
