Altin Dumani u zgjodh sot si kryearti i ri që do të zëvendësojë Arben Krajën në drejtimin e SPAK. Ai ishte në garë me Adnan Xholin dhe Edvin Kondilin, që konsiderohej dhe si i preferuari i Ramës. Fakt, që u vu në dukje gjatë votimit të sotëm. Pasi po të shohim votat e dhëna, Dumani fitoi vetëm me një votë më shumë nga Kondili. Ishte Sokol Stojani ai i cili bëri diferencën dhe votën e tij ja dha Adnan Xholit, duke shmangur barazimin mes Kondilit dhe Dumanit, e duke i dhënë fitoren këtij të fundit.
Por, kush ishin katër prokurorët e KLP që votuan për kandidatin e preferuar të Ramës dhe kundër preferencës së SHBA?! Sipas vendimit ishin Alfred Balla; Tartar Bazaj, Nurihan Seiti, Mirela Bogdani ata të cilët, zbatuan urdhrin e Ramës dhe çuan votën për Kondilin, i cili ishte shumë pranë fitores.
Të besuarit e Ramës, nuk janë e vetë aq të “pastër” kështu edhe në SPAK iu duhej miku i tyre.
Por këtë herë nuk patën fat. Le t’ia nisim me Mirela Bogdanin e cila është emëruar në KLP në kundërshti të ligjit, por sërish vazhdon ta mbajë atë karrige. Juristja Bogdani u zgjodh në fund të shkurtit nga Parlamenti, vetëm me votat e maxhorancës socialiste, pas dy tentativave të dështuara për të emëruar anëtarët e rinj të Këshillit të Lartë Gjyqësor (KLGJ) dhe Këshillit të Lartë të Prokurorisë (KLP) me konsensus politik të të gjithë palëve. Ajo u votua për në Këshillin e Lartë të Prokurorisë si një zgjedhje e Shkollës së Magjistraturës.
Por, procesi i përzgjedhjes së saj ka kaluar nën dyshimet e paligjshmërisë. Në Vendimin e Mbledhjes së Posaçme të Drejtuesve të Arsimit të Lartë dhe Shkollës së Magjistraturës, që mban datën 15 nëntor 2021, emri i Mirela Bogdanit rezulton se është kandidaturë e Shkollës e magjistratëve të rinj.
Po ashtu, zonja Bogdani rezulton se është e vetmja kandidate e miratuar nga Shkolla e Magjistraturës për të dy institucionet, KLGJ dhe KLP. Po ashtu, nga një kërkim në faqen zyrtare të internetit të Shkollës së Magjistraturës, zonja Bogdani nuk rezulton të jetë pedagoge pranë këtij institucioni arsimor. Kjo situatë e vë në dyshim mënyrën e përzgjedhjes së saj, si nga Mbledhja e Përbashkët e Institucioneve të Arsimit të Lartë, po ashtu edhe nga Sekretari i Përgjithshëm i Parlamentit.
Nurihan Seiti është anëtarja e dytë që votoi për të “dërguarin e Ramës”.
Edhe kjo vetë është përfshirë më parë në një skandal në lidhje me profesionin. Ajo akuzohej se kishte punësuar të afërmit e saj në Prokurorinë e Tiranës dhe për të mbajtur lidhjet votuan në favor të promovimit të drejtueses së kësaj prokurorie, Elisabeta Imeraj.
Por, në prill të këtij viti Inspektori i Lartë i Drejtësisë vendosi mbylljen e hetimit disiplinor ndaj Seitit dhe tre anëtarëve të tjerë. Në këtë skandal janë përfshirë edhe vetë kryetari aktual të KLP-së, Alfred Balla dhe prokurpri Tartar Bazaj. Të cilët janë dy të tjerët që votuan për Edvin Kondilin ditën e sotme.
Epo me sa duket katërshja problematike e Ramës (Alfred Balla, Tartar Bazaj, Nurihan Seiti dhe Mirela Bogdani nuk e kanë për herë të parë që të votojnë për interesa personale. Për më shumë çdo herë ata votojnë në një drejtim, duke qenë se dhe urdhrat i marrin nga i njëjti person.
Kush është Edvin Kondili
Edvin Kondili është kandidati i tretë që garon për kreun e SPAK-ut dhe për për pak minuta do të dalë në intervistë para kLP-së, ku do të prezantojë strategjinë drejtuese.
Kondili është lakuar këto ditë si kandidati i preferuar i kryeministrit Edi Rama, për të cilin thuhet se është përplasur me ambasadoren amerikane Yuri Kim. Edhe për Kondilin është hera e dytë që garon për qenë në krye të SPAK-ut.
Edvin Kondili ka eksperiencë si prokuror në ish-Prokurorinë e Krimeve të Rënda, ka kaluar ndër të parët vetingun. Kondili ka hetuar shumë dosje sa i përket krimit të organizuar, mes tyre sekuestrimin e 613 kg kokainë në Durrës. Ka disa dosje të nxehta aktualisht, dhe disa ish-zyrtarë të lartë në lidhje me abuzimet me tenderët.
Lexo edhe: Dumani në krye të SPAK, si votuan 10 anëtarët e KLP
Discussion about this post