Problemet në votimet e Shoqatave Rajonale të Futbollit vazhdojnë. Këtë herë në Gjirokastër raportohet se është mbyllur stadiumi dhe kjo pengon zgjedhjet për kryetarin dhe delegatët në ShRF Gjirokastër.
FSHF njofton si më poshtë: “Përtej konfirmimit dhe dakortësisë së dhënë pak ditë më parë për ta zhvilluar këtë Asamble në shtëpinë e futbollit gjirokastrit, sot gjithҫka në mënyrë “të papritur” u ndryshua dhe u vendos të mbyllen dyert me pretendimin qesharak se nuk kanë njoftim në lidhje me këtë Asamble”.
Nuk mungojnë sërish akuzat ndaj politikës, teksa thuhet se anëtarët e Shoqatës Rajonale të Futbollit Gjirokastër janë vënë në presion nga bota e politikës. Ditët e fundit ka pasur akuza dhe kundër akuza të shumta për zgjedhjet në Shoqatat Rajonale të Futbollit.
Discussion about this post