Probleme me energjinë në Kukës, ja situata e rrugëve

Në Qarkun e Kukësit në lartësitë mbi 700 metër vendin e reshjeve të shiut e ka zënë dëbora deri në 15 cm ndërsa rrugët nacionale dhe rurale deri në këto momente janë të kalueshme dhe sipas drejtuesve të automjeteve nuk raportohen probleme apo bllokime.

Në rrugën nacionale Kukës-Shishtavec trashësia e borës është 7 cm, në segmentet Plepa- Qafë- Prush 5 cm, Bajram Curri-Kam 15 cm.

Nga subjektet kontraktore po punohet gjatë gjithë kohës për pastrimin, kriposjen dhe mbajtjen funksionale të rrugëve që kanë kontratë.

Edhe në rrugën e Kombit pranë tunelit, trashësia varion nga 5 ne 10 cm. Ndërkohë, rrugët po mbahet në qarkullim të plotë.

Sakaq, janë rreth 10 mjete borëpastruese në segmentin Kalimash-Reps dhe po bëhet trajtimi me kripë.

Ndërkohë, Polica Rrugore ndodhet në terren dhe këshillon drejtuesit e mjeteve të mos harrojnë pajisjet dimërore.

Furnizimi me energji elektrike është normal në gjithë territorin e Qarkut Kukës, përveç Njësia Administrative Fierzë, Bujan dhe Llugaj Bashkia Tropojë.

Nga grupet e punës të OSHEE-së po punohet për riparimin e rrjetit elektrik të dëmtuar.