Kolegji i Posaçëm i Apelimit ka shkarkuar nga detyra Prokurorin e Tiranës, Gjon Kodra. Kodra ishte i konfirmuar në detyrë nga Komisioni i Pavarur i Kualifikimit (KPK).
Sipas informacioneve që qarkullojnë në media, ky vendin i KPA për shkarkimin e Kodrës, ka ardhur si pasojë e problemeve me pasurinë e Prokurorit.
Kodra u konfirmua në detyrë në 21 Dhjetor 2021 nga trupa e KPK-së me kryesuese Valbona Sanxhaktarin, relator Olsi Komici dhe anëtar Xhensila Pine. Vendimi, sipas ONM-së, nuk ishte objektiv dhe kërkoi apelimin në shkallën e dytë të Vettingut.
Pas shqyrtimit të kërkesës së ONM-së dhe vendimit të KPK-së, Komisioneri Publik i kërkoi Kolegjit të Posaçëm të Apelimit (KPA), shkarkimin e prokurorit të Tiranës, Gjon Kodra, për shkak të problemeve me pasurinë dhe integriteti profesional. Por, këtë të mërkurë, KPA përmbysi vendimin e shkallës së parë dhe shkarkimin nga detyra e prokurorit të Gjon Kodrës.
Discussion about this post