Në Gjykatën Kundër Korrupsionit dhe Krimit të Organizuar u paraqit sot nga dy ekspertë mjeko-ligjorë raporti mjekësor për ish-kryebashkiakun e Bulqizës, Lefter Alla.
Në raport thuhet se Alla ka probleme shëndetësore me zemrën dhe se qëndrimi në qeli nuk është i përshtatshëm për gjendjen e tij.
Pritet që ditën e martë në orën 12:00, Alla të paraqitet para Gjykatës së Posaçme për t’u njohur me vendimin e saj lidhur me kërkesën e ish-kryebashkiakut për masë më të butë sigurie se arresti në burg. Nuk dihet nëse GJKKO do të ndryshojë masën e sigurisë ndaj Allës pas paraqitjes së raportit mjekësor, por rastet e mëparshme kanë treguar se procedura të tilla kanë dhënë rezultate pozitive për personat që kanë qenë në arrest me burg.
Lefter Alla u arrestua për abuzim me tendera dhe shpërdorim detyre, teksa 10 ish-zyrtar të tjerë të bashkisë së drejtuar prej tij, përfshirë dhe biznesmenin që fitoi tenderin Aqif Konesha përfunduan në pranga.
Discussion about this post