3 banorë me iniciale: L.B., 50 vjeç, B.H., 58 vjeç dhe J.Xh., 46 vjeç janë procedura nga policia e Elbasanit, pasi kanë protestuar për traun e vendosur në hyrje të lagjes së tyre dhe që iu pengon hyrjen për në qytete. Mësohet se, policia vendosi procedimin në gjendjen të lira për këta banorë, për shkak se ditën e djeshme hoqën barrierat e vendosura në lagjes Emin Matraxhiu nga ARRSH. Ndërsa bëhet me dije se, vijon puna për identifikimin e shtetasve të tjerë të përfshirë në këtë organizim të paligjshëm.
Mëngjesin e djeshëm banorët janë përplasur me forcat e policisë që ruanin traun, duke u shprehur se kjo është e padrejtë pasi me bllokimin e asaj rruge atyre do i duhet 2 orë më shumë për të shkuar në qytet për nevojat e tyre të përditshme.
Banorët e revoltuar thanë se protesta do të vazhdojë derisa shtetit t’iu japë një zgjidhje tjetër alternative, pasi ata kanë kërkuar prej vitesh të vendoset një mbi kalim dhe nuk iu është dëgjuar kurrë zëri.
Ndërsa protesta ka vijuar, edhe situata ka degraduar me përplasje dhe në një moment banorët shkatërruan dhe barrierat e hekurit që ishin vendosur në rrugë, ndërkohë që ARRSH pretendon se kjo dalje është burim aksidentesh, dhe për këtë shkak duhej të bllokohej, pa menduar një zgjidhje që të lehtësojë dhe lëvizjen e më shumë se 1 mijë banorëve.
E,H/ gijotina.com/
