Pronari dhe menaxheri i një lokali në Shkodër janë proceduar penalisht pasi u konstatuan duke ushtruar aktivitet me muzikë pas orarit të përcaktuar për mbyllje për shkak të pandemisë Covid.
Gjithashtu pronari i lokalit, 34-vjeçari V.M., banues në Gomsiqe e Re është gjobitur me 1.000.000 lekë për subjektin.
Ndërkohë në cilësinë e provës materiale u sekuestruan 8 pajisje muzikore që u gjetën në ambientet e lokalit.
Velipojë/Shkodër-Informacion-U konstatuan duke ushtruar aktivitet me muzikë pas orarit të përcaktuar për mbyllje, procedohen penalisht pronari dhe menaxheri i subjektit.
Gjithashtu, vendoset masë administrative 1.000.000 lekë për subjektin.
Sekuestrohen në cilësinë e provës materiale 8 pajisje muzikore.
Shërbimet e Stacionit të Policisë Velipojë vijojnë kontrollet për zbatimin e planit të masave për garantimin e rendit dhe qetësisë publike dhe monitorimin e lokaleve që vijojnë organizimet me muzikë pas orarit të përcaktuar për mbyllje, në kundërshtim me masat anticovid të vendosura nga organet kompetente.
Në vijim të kontrolleve, shërbimet e Policisë kanë konstatuar dhe proceduar penalisht për veprën penale “Prishje e rendit dhe qetësisë publike”, shtetasit: V. M., 34 vjeç, banues në Gomsiqe e Re, Velipojë, pronari i subjektit në Velipojë dhe E. J., 25 vjeç, banues në Shkodër, menaxher i subjektit, pasi janë konstatuar duke vijuar organizimin e aktivitetit me muzikë pas orarit të lejuar.
Gjithashtu, shërbimet e Policisë kanë vendosur masë administrative 1.000.000 lekë për pronarin e këtij subjekti.
Në cilësinë e provës materiale janë sekuestruar 8 pajisje muzikore që u gjetën në ambientet e këtij subjekti.
Drejtoria Vendore e Policisë Shkodër apelon për të gjithë administratorët dhe pronarët e lokaleve që të respektojnë masat anticovid dhe orarin e përcaktuar për ushtrimin e aktivitetit.
