Pak pas nisjes së zgjedhur për kryetarin e degës së Partisë Demokratike në Kukës, kandidati Irel Elezi është tërhequr nga gara. Kjo, pasi ai pretendon se lista e anëtarësisë e vënë në dispozicion nga Komisioni i Rithemelimit ka mangësi të anëtarëve të hershëm të kësaj force politike dhe emra të rinj duke e cilësuar manipulim të procesit.
Faktin e tërheqjes nga gara e bën të ditur edhe kryetari i komisionit të votimit Halit Muçmata ndërsa thekson se ecuria e procesit të votimit është normale dhe me interes nga anëtarët.
Në këtë proces janë thirrur 2,000 anëtarë të P në Kukës për të zgjedhur kryetarin e Degës, proces në të cilin garonin Admir Sinamati e Irel Elezi, ky i fundit i tërhequr tashmë, ndërsa nuk dihet nëse zgjedhjet do të shtyhen.
Discussion about this post