Ish-kryeministri Sali Berisha ka dhënë një deklaratë të shkurtër për mediat para hyrjes në Kuvend, ku nuk i shpëtoi pyetjeve për dorëheqjen e Bashës dhe bashkimin e PD.
Berisha deklaroi se deputetët e tij janë të hapur për bisedime dhe bashkimin rreth votës së lirë, ndërsa shtoi se me dorëheqjen e Bashës, u arkivua dhe dhunimi i PD.
“Dua të garantoj se PD është e hapur dhe vullnetplotë për debate dhe diskutime me çdo anëtar të ssaj, cilidoqoftë. Jemi të hapur të bëjmë gjithçka për bashkimin rreth votës së lirë. Nuk bëhet më fjalë për një kryesi pasi është shkarkuar në 11 dhjetor por kjo nuk do të thotë se fjala e demokratëve, nuk dëgjohet dhe nuk përfillet. Natyrisht fola për 11 dhjetorin por sanksionimin më të plotë e mori me 6 mars dhe ajo që dua tu siguroj është se PD ka institucionin e saj që është grupi parlamentar. Dhunimi i PD-së u arkivua me dorëheqjen e Bashës. Ekziston një dhe vetëm një parti Demokratike, po ndodh një proces i mrekullueshëm në bazë, po takoj njëri pas tjetrit kryetarët që kanë qenë dhe në takim me Bashën por që janë të qartë se ka vetëm një bashkim pas 6 marsit. Ja kanë thënë qartë Bashës në gojë e sy që anëtarësia është me 6 marsin”, tha Berisha.
Discussion about this post