Nënkryetarja e Partisë Demokratike Jorida Tabaku këtë të enjte në fjalën e saj në kuvend ka folur në lidhje me procesin e integrimit të Shqipërisë në BE.
Tabaku është shprehur se është për të ardhur keq sesi qeveria ka dështuar në këtë proces dhe nuk ka asnjë interesim në rrugëtimin e Shqipërisë pasi nuk e kanë kuptuar metodologjinë e re.
“Pak javë më parë kemi marrë disa informacione vuluminoze nga qeveria por nuk janë ato që kërko këshilli i integrimit. Kemi një mungesë totale të shoqërisë civile, dhe së treti kemi një mungesë totale të interesit të qeverisë shqiptare për të kuptuar metodologjia. Qeveria shqiptare dhe me shtyrjen e procesit të vettingut nuk mund të japë një drejtim në këtë proces pa ecur para dhe në kapitujt e tjerë”, shprehet Tabaku.
Ndër të tjera Tabaku ka theksuar se besimin në drejtësi do e ketë nëse përgjegjësit e inceneratorëve do të përballen me drejtësinë.
“Unë do të kem besim në arrestimin e zyrtarëve të lartë, pavarësisht pushtetit do të jetë para drejtësisë, dhe gurë prove për mua është procesi i inceneratorëve. Por për sa kohë tani kemi vetëm një ish ministër që e ka dorëzuar në mënyrë vullnetare mandatin nuk e quaj sukses’“, ka thënë Tabaku.
Discussion about this post