Procesi i ri i fiskalizimit ka shkaktuar një sërë problemesh tek bizneset, të cilët premtojnë se do të ulin qepenat në formë proteste. Kjo është bërë me dije nga Shoqata e Biznesit, e cila njofton se situata është alarmante. Fitimet e tyre janë ulur ndjeshëm, teksa tashmë ndodhen në prag falimenti.
Pandemia gjithashtu ka shkaktuar probleme tek bizneset duke u dhënë këtyre të fundit një goditje me pasoja të mëdha.
Përveç kostove shtesë financiare, sipas drejtuesve të shoqatës, fiskalizimi është një proces mjaft modern i cili nuk kuptohet nga të gjithë.
Prej 1 shtatorit ka nisur faza finale e fiskalizimit, teksa në dhjetë muajt parë të vitit janë regjistruar mbi 43 mijë tatim-pagesa si dhe janë lëshuar rreth 70 milionë fatura.
Që në momentet e para kur qeveria vendosi ligjin e re për Fiskalizimin, i cili bëhet menjëherë “online”, bizneset premtuan se do të ngrihen në protestë. Kjo për shkak se e kanë të pamundur ta përballojnë vlerën që kërkuan ky sistem i ri.
Bizneset e kryeqytetit pritet të protestojnë të parat, ku do të ulin qepenat për 60 minuta.
