Prodhimi i kriptomonedhave është një aktivitet që zhvillohet në rrugë ilegale. Ai po merr shumë zhvillim gjatë kohëve të fundit. Kujtojmë se brenda këtij viti në vendin tonë janë zhvilluar dy operacione.
Avokati Indrit Sefa shprehet më shumë sesa operacione për të parandaluar prodhimin e kriptomonedhës, ato janë aksione për të ndaluar vjedhjen e energjisë. Prodhimi lejohet me ligj tek ne, por askush nuk i prodhon ato në mënyrë ligjore. Ky handikap ndodh sepse asnjë prej tyre nuk ka licence dhe këto përfundojnë në tregun e fshehtë të kriptomonedhave në vendin tonë.
Ka më shumë se 5 mijë lloje kriptomonedhash. Bitkoin është më i njohur tek ne dhe për avokatin Indrit Sefa, ligji 66 2020, 21 maj 2020 ka bërë rregullim ligjor për mënyrën e transaksionit.
“Deri tani pranë autoriteteve të mbikëqyrjes financiare nuk ka asnjë kërkesë për licencim. Prodhimi i bitkoin shpenzon sasi kolosale të energjisë. Faturat kanë shifra marramendëse ndaj personat që po arreston në vendin tonë nuk po arrestohen për prodhimin e bitkoin, por për vjedhje të energjisë elektrike”, shprehet Sefa.
Discussion about this post