Policia e Tepelenës ka arrestuar një 67-vjeçar dhe ka shpallur në kërkim një 35-vjeçar pasi akuzohen për prodhim të kundërligjshëm të kriptomonedhave.
Sipas informacioneve autorët, babe e birë, kishin përshtatur shtëpinë në Tepelenë për këtë vepër të paligjshme.
Policia ka sekuestruar pajisje që i shërbenin kësaj veprimtarie të kundërligjshme.
Njoftimi i policisë/ Tepelenë
Operacioni, nga Drejtoria për Hetimin e Krimeve Kibernerike në DPPSh, në bashkëpunim me Komisariatin e Policisë Tepelenë.
Kishin përshtatur banesën në lagjen “15 shtatori”, Tepelenë, me pajisje për prodhim të kundërligjshëm të kriptomonedhave, arrestohet 1 shtetas dhe punohet për kapjen e djalit të tij.
Gjatë këtij operacioni, nga kontrolli i kryer në bazë të informacioneve të siguruara nga inteligjenca policore, në banesën e shtetasve H. O., 67 vjeç dhe A. O., 35 vjeç, babë e bir, u gjetën disa pajisje që shërbenin për prodhim të kundërligjshëm të kriptomonedhave.
Në vijim të veprimeve procedurale për rastin u arrestua në flagrancë 67-vjeçari, si dhe po punohet për kapjen e shtetasit A. O..
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Gjirokastër, për veprime të mëtejshme.
Discussion about this post