Një 30-vjeçar me origjinë shqiptare dhe partnerja e tij nga Rumania janë dënuar me 5 vite burg, pasi u shpallën fajtor për prodhimin dhe tregtimin e kartave të identitete të rreme në Britaninë e Madhe.
Mediat angleze shkruajnë se, 30-vejçari Qerim Deda, u dënua me 4 vjet e njëmbëdhjetë muaj për veprat penale të bërjes dhe dhënies së dokumenteve false dhe mbajtje me dashje të dokumenteve false.
Ndërsa, Alvina Timcisina, 36 vjeçe, u dënua me 2 vjet e 5 muaj për veprat penale të bërjes dhe dhënies së dokumenteve false dhe posedimit të dokumenteve false.
Çifti ka kryer aktivitetin për katër vite dhe se në llogarinë bankare të Timcisinas u bllokuan dhe u konfiskuan 47,394 paund.
Në gjykatë u tha se dyshja shkaktoi dëm të madh, pasi aktiviteti i tyre ishte kryer gjatë një periudhe të gjatë dhe ishte i natyrës së sofistikuar.
Të dy autorët ishin të angazhuar plotësisht në kriminalitetin e tyre, duke nxjerrë një numër të madh dokumentesh dhe përfitime të konsiderueshme financiare.
Discussion about this post