Prodhonte materiale pornografike me të mitur, prangoset pedofili amerikan në Tiranë

Një 71-vjeçar amerikan është arrestuar në Tiranë, pasi dyshohet se prodhonte dhe posedonte materiale pornografike për të mitur.

Hetimet disamujore të kryera në kuadër të operacionit policor të koduar “Gjurma virtuale” rezultuan me identifikimin dhe ndalimin e shtetasit amerikan David Ira Lang, 71 vjeç, banues në Tiranë.

Ai dyshohet se në Shqipëri, prodhonte dhe posedonte materiale pornografike me të mitur.

Departamenti i Policisë Kriminale kreu kontroll në banesën e 71-vjeçarit, ku gjeti dhe sekuestroi pajisje elektronike dhe materiale të tjera, që kanë shërbyer për kryerjen e kësaj veprimtarie kriminale.