Qeveria “Rama 3” ka planifikuar në programin e saj për mandatin e tretë qeverisës se 60 miliardë lekë nga buxheti i shtetit do vendosen në funksion të procesit të rindërtimit për tre vite.
Sipas programit, 100% e granteve të premtuara në Konferencën e Donatorëve dhe 300 milionë euro, janë akive në mbi 30 projekte konkrete në strehim, arsim dhe infrastrukturë publike.
Në fund të pranverës së vitit 2022, sipas programit do jenë finalizuar 4500 banesa të reja individuale duke strehuar të gjithë banorët që humbën shtëpitë e tyre
13 mijë familjet që po trajtohen aktualisht me bonus qiraje do të vijojnë të marrin bonusin dhe përfitimet e tjera deri në ditën që do t’u dorëzohen çelësat e shtëpisë së re në dorë.
12 mijë apartamente në lagjet e reja do të jenë ndërtuar duke strehuar të gjithë familjet që humbën apartamentet e tyre dhe 28 kantiere të reja të infrastrukturës publike do të kenë përfunduar deri në pranverën e vitit 2022.
Sipas programit, brenda pranverës 2022 përfundon gjithashtu rehabilitimi dhe ndërtimi i mbi 160 çerdheve, kopshteve, shkollave e konvikteve.
Programi është i përbërë nga rreth 42 faqe edhe 5 shtylla kryesore mbi të cilat do të fokusohet qeverisja përgjatë mandatit të saj 4-vjeçar.
