Komisioni parlamentar për Ekonominë dhe Financat është mbledhur sërish për të diskutuar rreth projek-tbuxheti të 2022, ku i pranishëm është dhe Guvernatori i Bankës së Shqipërisë Gent Sejko.
Gjatë fjalës së tij, Sejko paraqitur opinionin e BSH ku tha se të ardhurat buxhetore pritet të rriten gjatë 2022 dhe se politikat tona ekonomike duhet të orientohen drejt normalizimit.
“Ky projekt-buxhet përcakton qëndrimin e polit fiskale për vitin 2022. Banka e Shqipërisë ka vlerësuar dhe vlerëson në vazhdimësi diskutimin e hapur mbi projeksionet ku bazohet dhe instrumentet e parashikuara për arritjen e tyre. Në respektim të mandatit ligjor, opinioni do përqendrohet në ato çështje që bazohen brenda sferës së kompetencës sonë. Politikat tona ekonomike duhet të orientohen drejt normalizimit, do i shërbejë forcimit të qëndrueshmërisë të financave të vendit. Të ardhurat buxhetore të 2022 do të rriten me 8%. Projeksionet makro-ekonomike të cilat konturojnë buxhetin janë realiste. Projeksionet për të ardhurat buxhetore duken të arritshme. BSH sugjeron për vëmendje të vazhduar të qeverisë ndaj ecurisë së të ardhurave”, tha Sejko.
Sipas guvernatorit të Bankës, projekt-buxheti për 2022 parashikon fillim të procesit të konsolidimit fiskal.
Discussion about this post