Arbana Osmani është një ndër moderatoret më të suksesshme. Prej shumë vitesh në ekran, ajo është kthyer në një ndër figurat më të dashura për të gjithë. Megjithatë, së shpejti do ta shikojmë në një tjetër profesion. Arbana ka lënë për pak kohë në hije moderimin për aktrimin.
Lajmin e ka zbuluar vetë ajo përmes një postimi në rrjete sociale, ku tregon se do të marrë pjesë në filmin Sofia. Modertorja ka ndarë disa sekuenca nga xhirimet e filmit, ku regjisor është partneri i saj, Eduart Grishaj. “Takimi ynë i parë për këtë sezon do të jetë në….kinema”.
Kujtojmë se data 1 shtator ishte një ditë speciale për Arbana Osmanin, pasi moderatorja solli në jetë vajzën e saj, Zoin.
Aktualisht, moderatorja është larg ekranit. Për katër muaj ajo prezantoi “Big Brother VIP” që u rikthye në ekran pas katër vitesh mungesë. Në fund të formatit, Arbana zbuloi se ishte shtatzënë për herë të tretë. Sa i përket planeve për rikthimin në ekran, Arbana ka deklaruar se nuk do sjellë asnjë projekt gjatë kësaj periudhe deri në dhjetor të 2022 kur do rikthehet “Big Brother VIP” me edicionin e dytë.
View this post on Instagram
Discussion about this post