Parlamenti Evropian miratoi projekt-rezolutën për Shqipërinë, ndërsa bën thirrje që në Reformën Zgjedhore të përfshihet e gjithë opozita.
“Të përfshihen të gjithë zërat nga opozita në procesin e reformës zgjedhore për të siguruar përfaqësim të vërtetë. Të përdoren Komisionet Hetimore për të forcuar llogaridhënien dhe qeverisjen demokratike në Shqipëri”, thuhet në projekt-rezolutë.
Parlamenti Europian bën thirrje për një dialog politik konstruktiv dhe gjithëpërfshirës nga të gjitha palët.
Në Rezolutën e PE për Shqipërinë bëhet thirrje për përfshirje të fortë të Parlamentit për të nxitur angazhimin e opozitës, si dhe theksohet funksioni jetik i kontrollit dhe balancimit të Parlamentit, duke vënë theksin në nevojën e ngritjes së komisioneve hetimore.
Gjithashtu evidentohet fakti se Ligji i ri për komisionet hetimore parlamentare u miratua pa konsensus.
Discussion about this post