IKMT nisi aksionin për rrëzimin e objekteve që pengojnë projektin për rikualifikimin urban të qendrës. Nuk pati incidente mes banorëve dhe punëtorëve, ndërkohë që aksioni do të vazhdojë edhe ditët e ardheshme.
Nisi në Himarë shembja e objekteve në kuadër të fazës së dyte të projektit të rikualifikimit urban të qendrës së këtij qyteti.
Në ditën e parë fadromat u përqendruan tek objektet e vogla, kurse karburantet dhe ndonjë lokal ditët në vazhdim.
Në listën e IKMT-së jane 22 ndërtesa. Të pranishëm në aksion ishin dhe forcat e policisë.
Policia njoftoi zyrtarisht se në mbështetje të forcave të IKMT-së janë në gatishmëri të plotë 163 punonjës policie.
Një person u shoqërua për arsye se tentoi të pengonte aksionin e IKMT në prishjen e këtyre objekteve.
Pak ditë më parë në një takim midis kryetarit të Bashkisë së Himarës dhe zv/ministrit Artan Shkreli u vendos rishikimi i plotë i dokumentacionit të gjithë banorëve lidhur me pretendimet e tyre për pronësinë e objekteve që shemben.
Qeveria ka bërë të ditur se të gjithë pronarët do të dëmshpërblehen për objektet që do të shemben.
https://youtu.be/2KgNsvIJ2Ko
